الغيرة بين الاصحاب

فيه كتير اصحاب بيغيروا من بعض مش عارفة ليه بس دى مش صحوبية علشان الاصحاب بجد يحبه الخير لبعض

اصعب حاجة لما تكون بتحب صحبك اوى وتتمناله الخير ويطلع ندل معاك وتحس انه بيغير منك وبيعرفك بس عشان مصلحته

بس اقولكم على حاجة ده سوء اختيار مننا لازم نختار صح ومش اى حد نحكيلوا على اسرارنا ومش معنى انك تمشى مع حد اكتر من مرة يبقى خلاص صحبك .

عندك حق يالؤلؤة الغيرة بين الاصحاب بقت موجودة كتير اووىىى اليومين دول انا شخصيا عشت ف الموضوغ ده فترة كبيرة من اصحابى ومكنتش اصدق بعد عشرة العمر اللى كانت بنا يحصل كدة بس الغلط ان انتى مش بتعرفى اللى ادامك غلط الا بعد فوات الاوان وتتصدمى لما تعرفى انه كان ميستهلش الصداقة دى

مفيش حاجه اسمها غيره بين الاصحاب لان اصلا مش ينفع ان اتنين بيغيروا من بعض يكونوا اصحاب
ولوحد عنده صاحب وعارف انه بيغير منه ولسه مصاحبه ده يبقى اسمه هبل مش طيبه لانك عارف انه
مع اى حاجه هيبيعك بالرخيص لازم اللى فى موقف زى ده يفوق بسرعه وبلاش التفكير فى الموضوع
كتير خلص نفسك وانفض بجلدك يا معلم
لانو الاصحاب زى الاخوات بياكلو ويشربوا ويروحوا ويجوا وبيقعدو مع بعض وبيفكرو لبعض يعنى مش ممكن
تخلى واحد بيغير منك يكون معاك فى كل ده
واتمنى ان كل الناس تعرف معنى الصداقه الحقيقيه
وكل سنه وانتوا طيبن

يا ساكو انتى بتعرفى صاحبك ندل فى مواقف معينة وهو بيبقى ادامك مثل الملاك اللى بيخاف عليكى وهو من جواه بيغير منك اوبيحقد عليكى يعنى انتى مش عارفة اللى حصل بس يا ساكو مش كل الصحاب وكدة ومش كل الصحاب كويسه وصوابعك مش زى بعضها