القلب وعمايله الجزر 2

:love: :ert: :love:

:love: مملكة الحب :love:

بنكمل الجزء التاني

.

.

.

وصلنا إنه إتعرف علي بنت جديده ......

فا إتكلموا بالصدفه وبعد كده

بقوا بيتكلموا مع بعض عادي وبتعدي الأيام عليهم هي جات الفتره الأولي دي
كان بيتكلم معاها بس البنت كانت بترد عليه قليل قوي
وكمان مش بتحب تتكلم غير لما هو لازم يقعد يتكلم قد كده
وممكن ترد رد بسيط قوي
ودايما ساكته وبالعربي كده مش بتعبره القلب وعمايله الجزر 2 Biggrin

لحد ما هو قال لنفسه وانا ايه اللي يخليني أكلمها يعني
دي بنت ممله Suspect

وفعلا كان هيبعد عنها
لحد ما حصل يوم كده وبدإت تتكلم معاه ويتبادلوا الحوار وكده
فا غير رأيه إنه مش هيكلمها وقعدوا يتكلموا فتره وفي الفتره دي عرف عنها حاجات بسيطه
هي البنت كانت تعرفه وكانت تعرف عنه حاجات كتيره شويه بس هو مكنش يعرفها
ممكن نقول مثلا عشان هو كان معروف شويه
وبعد فتره بدأ يحس إنه إبتدي يعجب بيها وفكر يرتبط بيها بس
قال بينه وبين نفسه لا لا
مش هرتبط بيها ..
كان في كذا حاجه في تفكيره تمنعه إنه يرتبط بيها
وعدت عليهم الأيام وكل يوم يلاقي نفسه مركز إنه هيدخل يكلمها أول حاجه
ومع ذلك برضه مكنش عايز يرتبط بيها مع إنه كان بيفكر في كده .

وبييجي اليوم إللي يلاقي نفسه قرب منها قوي وكلامهم سوا بقي كتير وبقت بتوحشه قوي لو غابت
طبعا كلكوا هتستغربوا إزاي كل ده وبرضه مش عايز يرتبط بيها مع إنه إرتبط بكتير قبلها بسرعه قوي

هو كان في حاجه من جواه بتقوله مش دلوقتي

لحد ما جه يوم ولقي نفسك بيحكي للبنت كل حاجه وبيقوللها
إنه فعلا نفسه يرتبط بيها بس محتار وفي كذا حاجه جواه
لازم يرتاح ليها.
وهو عمره ما كلم بنت بالصراحه دي أو يتكلم في تفاصيل زي دي مع بنت

هو حتي كان مستغرب نفسه جدا إنه عمال يكلمها بالصراحه دي

فا هي شجعته إنه ميتسرعش في قرار عشان ميندمش عليه بعد كده
وعشان الموضوع مينتهيش بسرعه
وكمان مأخدش منها رد يعني إنها موافقه علي الإرتباط أو لأ

بس هو كان حاسس إنها موافقه

لكن هو قاللها حاجه

قالها إنتي من حقك تعجبي أو تحبي أنا مش بتشرط عليكي
ولا بقوللك إستنيني
إحنا هنفضل إخوات وأصدقاء لحد ما أحس فعلا إننا قربنا من بعض بشكل يخلينا نرتبط

وإننا مرتاحين لبعض فعلا

وكمان هو لقي نفسه بيتكلم عشان كان حاسس إن في زي تبادل إعجاب خفيف

والبنت مكانتش بتوضح ده بس هو حس بيه وكان حاسس إن في قبول

وكمان قاللها أنا بكلمك في كده عشان أنا نفسي أكمل معاكي بجد لو حصل إرتباط
ومتسرعش زي كل مره

ويمكن النقطه دي هي إللي خليتها متصدوش

والبنت إنبسطت قوي من كلامه وقالتله إن أكتر حاجه بتحبها هي الصراحه والصدق
ودي أحسن حاجه ممكن تتبني عليها أي علاقه أو صداقه أو اي حاجه

وكمان البنت مديتوش رد مفيد هي قعدت تقوله إن شاء الله وربنا يسهل وكلام زي ده القلب وعمايله الجزر 2 Sad

بس هو حس بالرد وحس إنها موافقه

بس هي طمنت قلبه وقالتله أنا لو هفكر أرتبط بحد لسه قدامي فتره كبيره علي كده

وكمان طريقتها معاه كانت جميله وريحته وكإنها يعني موافقه عشان ميتسرعش ويرتبط بيها بتسرع

وبتمر الأيام عليهم وبيعرفوا بعض أكتر وأكتر وكل شويه الولد يحكيلها عن مواقفه وحكاياته

وخصوصا حكاياته علي النت
كل ما يحكي حاجه جديده
البنت تزعل منه قوي القلب وعمايله الجزر 2 Sad

ويحصل مشاكل كتيره ويحاول يرضيها يصالحها

وكمان الولد كان بيحكيلها كل حاجه بالتفصيل ومش بيخبي أي حاجه نهائي

بس برضه علي قد ما البنت كانت بتزعل كانت طيبه قوي وبتنسي زعلها بسرعه

ويمكن المشاكل دي قربتهم من بعض أكتر
وخليتهم يحسوا إنهم يعرفوا بعض بقالهم كتير قوي

وكإنه يعرفوا بعض من سنين

وكمان الولد كان بيرتاح لما كان بيحكيلها علي كل حاجه

هو الولد فعلا كان ليه كلام مع بنات كتير بحكم إنه بيقعد علي النت كتير
وماسك حاجات كتيره قوي مهمه في النت

بس هو مكنتش بيخرج مع واحده فيهم هو كان يدوب كلام عالنت أو ممكن الموبايل
وخلاص فا الحكايه دي كانت بتضايق البنت جدا

وكمان الولد مكنش واخد علي كل ده لإنه إرتبط كذا مره ومفيش ولا بنت من إللي إرتبط بيهم
زعلت بالشكل ده علي الحاجات اللي كان بيعملها ولا كان بيحصل مشاكل خالص ..

فا إبتدي الولد يحس إن البنت دي مميزه فعلا عن إللي عرفهم قبل كده وكمان إبتدي يحس
إنها ممكن تبقي مسئوله عن بيت وعن أسره

ومره علي مره إبتدي يحس إنها بتوحشه قوي ونفسه يكلمها كل شويه
وإحساسه كل يوم بيزيد أكتر من اليوم إللي قبله
وحس إن مرحلة الإرتباط دي قربت قوي خلاص ..
بس كل شويه يفتكر كلامها إنها مش عايزه تسرع وإنها عايزه الموضوع ده ييجي براحته خالص

وفعلا إبتدي الولد يبطل حاجات كتيره لما بيحس إن البنت لو عرفت ممكن تتضايق منها
بس بيحكيلها إنه كان بيعملها وإنه خلاص بطلها خالص

وقعد يضحك مع نفسه ويقول جه اليوم إللي واحده تطلع عينك فيه وتغيرك خالص .

بس هو كان أصلا حابب التغيير ده لإن اللي كان بيعمله مكنش من طبعه أصلا
ده كان مجرد تغيير في أخر سنه أو سنتين من حياته دول

لكن هو مكنش كده وكان ملتزم جدا وبيحفظ قران وحاجات كتيره جميله يعني .

بس هو كان مبسوط قوي لإنه فعلا كان بيحلم ببنت زي كده وعشان كده برضه
كان بيتغير وهو سعيد قوي إنه لقي إنسانه ملتزمه وكويسه .

حصل في يوم موقف إنه كان علي النت وبيكلم بنت زي أخته بالظبط وكان بيهزر معاها
وبيدلعها بإسمها وكده فا الكلام ده وصل بالغلط بدل ما يبعته للبنت إللي بيهزر معاها
بعته للبنت إللي مرتبط بيها ........

OppppppppppS

عايزين تعرفوا حصل إيه لما البنت إللي هو معجب بيها وصللها الكلام ده ؟؟

تابعوا معانا الجزء التالت القلب وعمايله الجزر 2 Smile

ويارب الجزء التاني يكون عجبكم

والسلام عليكم ورحمة الله وبركاته

:la;;kj:

:nis: شكرا يا ولاء على الموضوع وانا عند وعدى اول واحد رديت على الموضوع:nis:

بس ياريت بلاش الجزء التانى والتالت هو مسلسل

(عايزين تعرفوا ايه الى حصل للثعلب المكار لما اكل الفرخه تابعونا فى الجزء التانى)

زائر

مرسى يا لولا على الجزء الثانى واحنا فى انتظار الجزء الثالث على احر من الجمر عشان عاوزين نعرف ايه اللى حصل للفرخة

يا شباب عيب دية مهما كانت بردة اخت صاحبكم

ميرسى وحلو اوى يا ولاء ده انتى بقيتى شهرزاد وبقينا نستنى الاجزاء زى شهريار بالظبط

نايس توبيك شهرزاد
وتثبيت يا جميل

زائر

يعنى لو مكملتيش بقيت الاجزاء هعملك فيها شهريار واقيم عليكى الحد خافى على نفسك بقى واعملى الجزء الثالث :44144444:

هههههههههههههههه ايوة زى ما قالك ملك الرومانسية بس احنا مش هنقدر نعملك حاجة لانك غالية علينا .
بس ما تغيبيش علينا فى الجزء التالت الله اعلم اية اللى ممكن يتغير

زائر

الفرخة هتموت هههههههههه

الموضوع جميل جدا بس دا حقيقة ولا من خيالك ولا ايه يا ولاء وبجد بشكرك على الموضوع الاكثر من رائع دا

الفرخة ماتت يا كبير والجنازة هتطلع من عمر مكرم يوم الاحد
هههههههههههههههههههههههههههههههههههههههه